ოფოურა

გვიანი წითელი ჯიში

ოფოურა ქართული წითელი ჯიშია შავი ზღვის აუზის ეკოლოგიურ-გეოგრაფიული ჯგუფიდან, გამოირჩევა ძალიან გვიანი მომწიფებით — ნოემბრის შუა რიცხვებში. ყვავილი ფუნქციონალურად მდედრობითია. მარცვლები მუქი ლურჯი, თითქმის შავია, სუსტი ცვილისებრი ფიფქითა და მკვრივი, გამძლე კანით; რბილობი ხორციან-წვნიანია, წვენი უფერული, გემო მარტივი.

მტევანი საშუალო, ცილინდროკონუსური, საშუალო სიმკვრივისაა. ბუჩქები საშუალო ზრდისაა, მოსავალი დაბალი, სოკოვანი დაავადებებისადმი მედეგობა სუსტი. შაქრიანობა დაახლოებით 19–20%, მჟავიანობა 8–9 გ/ლ; ოფოურასგან აყენებენ წითელ სუფრის ღვინოებს.