მცვივანი რაჭული

რაჭის თეთრი ჯიში

მცვივანი რაჭული (სინონიმი — მწვანე რაჭული) რაჭის თეთრი საღვინე ჯიშია, შავი ზღვის აუზის ეკოლოგიურ-გეოგრაფიული ჯგუფიდან. მცირედ გავრცელებული; ყვავილი ფუნქციონალურად მდედრობითია. მარცვლები მოყვითალო-მწვანეა, ოვალური, თხელი ცვილისებრი ფიფქითა და ნაზი კანით, რბილობი ძალიან წვნიანი, გემო მარტივი. მწიფდება სექტემბრის ბოლოს.

ბუჩქები საშუალო ზრდისაა, მოსავალი მაღალი, სოკოვანი დაავადებებისადმი მედეგობა დაბალი. შაქრიანობა 16–21%, მჟავიანობა 6–10 გ/ლ; მცვივანი რაჭულისგან აყენებენ ორდინარულ სუფრის ღვინოებს სხვა ჯიშებთან კუპაჟში და იყენებენ ცქრიალა ღვინის მასალად.