კიკეთის ფერმა

ფერმა რესტორან Native-ით თბილისთან

კიკეთში, 1100 მეტრის სიმაღლეზე, თბილისიდან სულ რაღაც ოცდახუთ კილომეტრში, მთის ჰაერსა და ვრცელ ხედებს შორის, ყოფილი საბჭოთა მეურნეობის ადგილას გაშენდა ფერმა.

დღეს ათ ჰექტარზე ერთად არის მარანი, თავლა, ვარდების ბაღი, სათბური და პატარა სახლები, ხეებში დამალული. აქ ყველაფერი მიწაზე ცხოვრების გარშემოა მოწყობილი: უჩქარო, სეზონური და ნამდვილი.

ფერმის მთავარი ადგილი რესტორანი Native-ია, სადაც ქართული და ევროპული სამზარეულო აქვე, ფერმასა და მეზობელ მეურნეობებში მოწეულ პროდუქტს ეყრდნობა. მენიუ სეზონებთან ერთად იცვლება, მოსავალსა და ადგილის ბუნებრივ რიტმს მიჰყვება. დარბაზში სამოცი ადგილია, იმდენივე ღია ტერასაზე.

ყოფილ საბჭოთა სათბურში კაფემ დაიდო ბინა და მეორე სიცოცხლე მიიღო, ამაღლებულ ადგილას მოწყობილი ბარი კი საღამოს ერთი ჭიქა ღვინისა და მზის ჩასვლის საყურებლად იდეალური ადგილია.

საკუთარ მარანში ბუნებრივ ღვინოს აყენებენ, ქვევრსა და მუხის კასრებში. აქვე შეიძლება ხუთი ნიმუშის დაგემოვნება და ღვინის გაცნობა სწორედ იქ, სადაც ის იბადება.

მაგრამ ფერმა მხოლოდ საჭმელისა და ღვინისთვის არ არის შექმნილი. აქ მთელი დღით ჩამოდიან: ცხენით სასეირნოდ, აბანოში გასათბობად, იოგისთვის ან უბრალოდ ტერიტორიაზე გასასეირნებლად. ეს ის ადგილია, სადაც ჩქარობა არ სჭირდება. საკმარისია რამდენიმე საათით დარჩე და ნება დართო თავს, იცხოვრო ფერმის რიტმში.