ლომთაძის ოჯახური ღვინო
ოჯახური მეღვინე, ტარიელ ლომთაძე
«ლომთაძის ოჯახური ღვინო» ტარიელ ლომთაძის საოჯახო მარანია რაჭულ სოფელ ხვანჭკარაში, განახლებული 2015 წელს. ხვანჭკარა ერთ-ერთი ყველაზე ცნობილი ქართული ღვინის სამშობლოა.
მეურნეობას დაახლოებით ერთი ჰექტარი ვენახი აქვს თავად ხვანჭკარაში, დარგული ადგილობრივი ჯიშებით: ალექსანდროული, მუჯურეთული, ცოლიკოური და წულუკიძის თეთრა. აყენებენ როგორც კლასიკურ, ისე ქვევრის ღვინოებს.
მთავარი ღვინო ნახევრადტკბილი წითელი ხვანჭკარაა ალექსანდროულისა და მუჯურეთულისგან. მარანთან სასტუმრო სახლიცაა, რაჭის მთების ხედით.